Kai Moutard me bi de Franzoose, nit numme deeert goots grad in d Hoose
Die ganzi Wält, die isch bedroffe, mit Stüürm, Tornados, Land abgsoffe
D Nord-Stream-1 wird sabotiert, Länder aifach anneggtiert
Neii Brandhäärd alleroorts, ob Wirtschaft, Regierig - e riise Gnoorz!
Glyymagryyse, Inflazioon, Waalkampfbschiss und Korrubzioon
D Naarigsketti unterbroche, vyyl hänn nyt me zem Koche
Baupfusch z Basel mit myyser Blaanig
Verschwändig vo Gälder, Budget? Kai Aanig!
Unseri Wält gheit us de Fuege, ka me no soorgloos in d Zuekunft luege?
Hybryyde Grieg und Graabekämpf, soodeli - jetzt hämer dr Sämf!